Poetry 2013 #6: Nasa Tao ang Awa, Nasa Tao Rin ang Gawa

.

At umatake na nga ang demonyong bagyo--

Winasak--buhay ng napakaraming tao.

May mga nakatakas; merong nakaraos.

Mga pangarap--ultimo ningas...naupos!

Sadyang ganyan ang buhay--matira'ng matibay.

Marami'ng dahilan kumba't may namamatay.

Merong mahina ang isip at kalooban;

Maraming uhaw't gutom sa kasaganaan.

May mahihina ang pangangatawan dahil

Walang perang pambayad kapag sinisingil.

Wag na sanang kahibangan ang pairalin;

Ang katotohanan ang s'yang dapat harapin.

Ang kailangan ay malinaw na solusyon,

At hindi mga d'yus-d'yosang pawang delusyon.