Poetry 2013 #2: Minsa'y May Mag-Amang Bata

.

May isang makulit na bata

Sa hagdanan ay akyat-baba

Ilang ulit na paalala

Sa kanya'y hindi umuubra

Subalit ano'ng magagawa

Mga salita'y walang bisa

Sabagay nung ako'y bata pa

Kakulitan ko'y mas malala

Minsan noong ako'y bata pa

Ina ko'y parang sirang plaka

Sa kanyang mga paalala

Na di ko naman iniinda

Kaya ngayong ako na'ng ama

Mayaman ako sa pasensya