Poetry 2013 #1: May Tono ang Bawat Talumpati

.

Sige, tawa, bungisngis, halakhak

Walang sawa sa kakapalakpak

Akala mo dahil sa paghanga

Yun pala'y nagngingitngit sa inggit

Pangiti-ngiti, pa-opo opo

Pagtalikod, ang haba ng nguso

'Buti pang tumahimik ka na lang

Kung ang intensyon mo'y kasamaan

Sige pa, ngising labas-gilagid

Ngala-ngala mo'y nanlilimahid

Kurbada ng makapal na bibig

Masahol pa sa panis na laway

Kung maliksi ang 'yong pakiramdam

Madali mo namang mahuhuli

Mga taong mahilig magpanggap